काठमाडौं । नेपालमा पछिल्लो २४ घण्टामा थप ५२५ जनामा कोरोना संक्रमण देखिएको छ । योसँगै संक्रमितको संख्या २४ हजार ९५७ पुगेको छ ।
स्वास्थ्य तथा जनसंख्या मन्त्रालयका अनुसार विभिन्न प्रयोगशालामा गरिएको ९ हजार ८५९ नमूना परीक्षणमा काठमाडौं उपत्यकामा १२७ सहित देशका विभिन्न जिल्लाका ५२५ जनामा कोरोना पुष्टि भएको हो ।
पछिल्लो २४ घण्टामा थप १०९ जना डिस्चार्ज भएका छन् । योसँगै हालसम्म निको भई घर फर्कनेको संख्या १६ हजार ८३७ पुगेको छ ।
कोरोनाका कारण पछिल्लो २४ घण्टामा ४ जनाको मृत्यु भएको छ । योसँगै कोरोनाले ज्यान गुमाउनेको संख्या ९५ पुगेको छ ।
