काठमाडौं । नेपालमा पछिल्लो २४ घण्टामा थप ४८४ जनामा कोरोना संक्रमण देखिएको छ । योसँगै संक्रमितको संख्या २४ हजार ४३२ पुगेको छ ।
स्वास्थ्य तथा जनसंख्या मन्त्रालयका अनुसार विभिन्न प्रयोगशालामा गरिएको १० हजार ४८१ जनाको नमूना परीक्षणमा काठमाडौं उपत्यकामा १३९ सहित देशका विभिन्न जिल्लाका ४८४ जनामा कोरोना पुष्टि भएको हो ।
पछिल्लो २४ घण्टामा थप ६४ जना डिस्चार्ज भएका छन् । योसँगै हालसम्म निको भई घर फर्कनेको संख्या १६ हजार ७२८ पुगेको छ ।
कोरोनाका कारण पछिल्लो २४ घण्टामा ८ जनाको मृत्यु भएको छ । कोरोनाका कारण एकै दिन यति धेरैको ज्यान गएको यो पहिलो पटक हो ।योसँगै कोरोनाले ज्यान गुमाउनेको संख्या ९१ पुगेको छ ।
