काठमाडौं । नेपालमा पछिल्लो २४ घण्टामा थप ३६० जनामा कोरोना संक्रमण देखिएको छ । योसँगै संक्रमितको संख्या २१ हजार ७५० पुगेको छ ।
स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा देशका विभिन्न जिल्लाका ३६० जनामा कोरोना पुष्टि भएको हो ।
पछिल्लो २४ घण्टामा थप २३३ जना डिस्चार्ज भएका छन् । योसँगै हालसम्म निको भई घर फर्कनेको संख्या १५ हजार ३८९ पुगेको छ ।
पछिल्लो २४ घण्टामा थप ५ जनाको मृत्यु भएको छ । योसँगै कोरोनाका कारण ज्यान जानेको संख्या ६५ पुगेको छ ।
