काठमाडौं । नेपालमा पछिल्लो २४ घण्टामा थप ६७१ जनामा कोरोना संक्रमण देखिएको छ । योसँगै संक्रमितको संख्या ७ हजार ८४८ पुगेको छ ।
स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा एकैदिन थप ६७८ जनामा कोरोना पुष्टि भएको हो ।
एकैदिन यतिधेरै व्यक्तिमा कोरोना देखिएको यो पहिलो पटक हो भने ५०० भन्दा बढीमा कोरोना देखिएको लगातार दोस्रो दिन हो ।
मन्त्रालयका प्रवक्ता डा. जागेश्वर गौतमका अनुसार आज संक्रमित हुनेहरुमा ८० जना महिला र ५९१ जना पुरुष रहेका छन् ।
पछिल्लो २४ घण्टामा १९ जना कोरोना संक्रमित निको भएर घर फर्किएका छन् । नेपालमा हालसम्म १ हजार १८६ जना कोरोना संक्रमित निको भइसकेका छन् भने २२ जनाको मृत्यु भएको छ ।
