काठमाडौं । नेपालमा पछिल्लो २४ घण्टामा थप ४२५ जनामा कोरोना संक्रमण देखिएको छ । योसँगै संक्रमितको संख्या ५ हजार ७६० पुगेको छ ।
स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा ४२५ जनामा कोरोना देखिएको हो ।एकैदिन ४०० भन्दा बढीमा कोरोना पुष्टि भएको यो दोस्रो पटक हो ।
अहिलेसम्म नेपालका ७७ मध्ये ७३ जिल्लामा कोरोनाका संक्रमित भेटिएका छन्।
पछिल्लो २४ घण्टामा ६१ जना कोरोना संक्रमित निको भएर घर फर्किएका छन् । नेपालमा हालसम्म ९७४ जना कोरोना संक्रमित निको भइसकेका छन् भने १९ जनाको मृत्यु भएको छ ।
