काठमाडौं । नेपालमा पछिल्लो २४ घण्टामा थप ३३४ जनामा कोरोना संक्रमण देखिएको छ । योसँगै संक्रमितको संख्या २ हजार ६३४ पुगेको छ ।
स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा एकै दिन यति धेरै जनामा कोरोना देखिएको हो ।
एकै दिन ३ सय जनाभन्दा बढी संक्रमित भेटिएको यो पहिलो पटक हो ।
नेपालमा हालसम्म २९० जना कोरोना संक्रमित निको भइसकेका छन् भने १० जनाको मृत्यु भएको छ ।
