काठमाडौं । सरकारले लकडाउनमा थप कडाई गर्ने भएको छ । गृह मन्त्रालयले देशका ७७ जिल्लाभित्र जारी गरिएका सबै पास पनि खारेज गर्ने निर्णय गरेको छ ।
बिहीबार गृह मन्त्रालयमा बसेको बैठकले जिल्लाभित्र लागू हुने गरी प्रशासनले वितरण गरेको पास जेठ ३ गतेदेखि लागू हुने गरी खारेज गर्ने निर्णय गरेको हो ।
सवारी पास लिएर हिँडेका व्यक्तिमा पनि कोरोनाा संक्रमण देखिएपछि यसबाट थप जोखिम बढेको भन्दै गृहले यस्तो निर्णय गरेको हो ।
अब गृह मन्त्रालयको अनुमतिमा जारी हुने पास भएका सवारी मात्र सञ्चालन गर्न पाइने मन्त्रालयले बताएको छ ।
यसअघि गृहले एक जिल्लाबाट अर्को जिल्ला जान अनुमति दिएका सबै पास खारेज गरिसकेको छ ।
