कोरोना भाइरसले गत वर्षको डिसेम्बर महिनायता विश्वमा तहल्का मच्चाइरहेको छ । महामारीको रुप लिएको यो भाइरसको कहिले अन्त्य हुने हो भनेर विश्वभरका मानिसहरु अत्तालिइरहेको अवस्था छ ।
हालै सिंगापुर युनिर्भसिटी अफ टेक्नोलोजीले एक अध्ययन गरेर कोरोना भाइरस यो वर्षको डिसेम्बर महिनासम्ममा पूर्णरुपमा अन्त्य हुने रिर्पोट सार्वजनिक गरेको छ ।
उक्त अध्ययनले भारतमा मे महिनाको २५ तारिख सम्ममा ९७ प्रतिशत भाइरसको अन्त्य हुने देखाएको छ भने जुन महिनाको ४ तारिखसम्ममा ९९ प्रशितत भाइरसको अन्त्य हुने दाबी उक्त अध्ययनले देखाएको छ ।
यो अनुमान सिंगापुर युनिर्भसिटी अफ टेक्नोलोजी एण्ड डिजाइनको ‘डाटा ड्रिभन इनोभेसन ल्याब’ले (डीडीआइ) गरेको हो ।डीडीआइले भारतमा अगस्ट महिनाको १ तारिखसम्म शत प्रतितश भाइरसको अन्त्य हुने जनाएको छ ।
यो अध्ययनले मे ३० सम्ममा नै यो भाइरस ९७ प्रतिशत अन्त्य हुने देखाएको छ भने जुन १६ सम्म ९९ प्रतिशत भाइरस अन्त्य हुने उक्त अध्ययनको दाबी छ ।
अध्ययनले दक्षिण कोरिया, चीन, न्युजिल्याण्ड, अष्ट्रेलिया, भियतनाम र आइसल्याण्डले अहिले ९९ प्रतिशत भाइरसको अन्त्य गरिसकेको अध्ययनले देखाएको छ ।
तर, वैज्ञानिकहरुले यो तथ्याङ्कमा मात्र आधारित अध्ययन भएको र विश्वको व्यवहारिक पक्षहरु, सरकारी नीतिहरु लगायत विषयहरु अध्ययनमा समावेश नभएको जनाएको छ । वैज्ञानिकहरुले यस्तो खाले प्राविधिक अध्ययनहरुको आफ्नो सीमाहरु हुने बताएका छन् ।
साथै, भाइरसको संक्रमण र विस्तार देशहरुले लिने नियन्त्रण सम्बन्धी नीतिहरु र अन्य देशहरुको अवस्था पनि भाइरसको संक्रमणका लागि प्रमुख हुने अध्ययनले बताएको छ । अहिले कुनै पनि देश ‘आइसोलेशन’मा रहन नसक्ने अध्ययनले बताएको छ ।
डीडीआइले भारतमा अप्रिल महिनाको २२ तारिखका दिन नै भाइरसको संक्रमण सबैभन्दा उच्च तहमा पुगेको देखाएको छ । तर, भारतीय बिज्ञहरु भारतमा संक्रमणको उच्च बिन्दु मे को अन्त्यतिर मात्र पुग्ने बताउँछन् ।
डीडीआइले अन्य महामारी झैं कोरोनाको पनि एउटा जीवन चक्र रहेको बताएको छ । यो चक्र अनुसार भाइरसको उत्पत्ति, व्यावक विस्तार, उच्चतम विन्दु, घट्दो संक्रमण र अन्त्य हुन्छ । तथ्यांक वैज्ञानिकहरुले अंकगणितिय माध्यमबाट यस्तो चक्रको विभिन्न चरणहरु पत्ता लगाउने प्रयास गर्ने गर्छन् ।
अध्ययन अनुसार अहिले सबैभन्दा बढी भाइरसको चपेटामा परेका देशहरु अमेरिका, इटाली, स्पेन र संयुक्त अधिराज्यमा पनि भाइरस मे महिनासम्म ९९ प्रतिशत अन्त्य हुनेछ ।
