काठमाडौं । विश्वमा कोरोना भाइरसको संक्रमितको संख्या साढे ३० लाख नाघेको छ । वर्ल्डोमिटको तथ्यांक अनुसार मंगलबार बिहानसम्म ३० लाख ६४ हजार ८३७ जना संक्रमित रहेका छन् ।
पछिल्लो २४ घण्टामा मात्रै ६९ हजार ७४६ नयाँ संक्रमित थपिएका छन् । कोरोनाबाट मृत्यु हुनेको संख्या २ लाख ११ हजार ६०९ पुगेको छ ।कोरोनाबाट पछिल्लो २४ घण्टामा मात्रै ४ हजार ५३२ जनाको मृत्यु भएको छ ।
कोरोनाबाट सबैभन्दा बढी प्रभावित भएको अमेरिकामा पछिल्लो २४ घण्टामा २३ हजार १९६ जना संक्रमित थपिएका छन् भने १ हजार ३८४ जनाको मृत्यु भएको छ ।
अमेरिकामा कोरोना संक्रमितको संख्या ९ लाख ८७ हजार ४६७ पुगेको छ भने मृतकको संख्या ५६ हजार १६४ पुगेको छ ।
छिमेकी मुलुक भारतमा संक्रमितको संख्या २९ हजार ४५१ पुगेको छ भने मृतकको संख्या ९३९ पुगेको छ । सोमबार मात्रै भारतमा १ हजार ५६१ जना संक्रमित हुँदा ५८ जनाको मृत्यु भएको छ ।
नेपालमा भने पछिल्लो २४ घण्टामा नयाँ संक्रमित भेटिएका छैन् । नेपालमा अहिलेसम्म कोरोना संक्रमितको संख्या ५२ पुगेको छ ।
