काठमाडौं । काठमाडौंको तीनकुने क्षेत्रमा राजावादी अराजक बनेपछि स्थिति नियन्त्रणका लागि कर्फ्यु लगाउने तयारी भएको छ ।
घटनास्थलमा रहेका प्रहरीले माइकिङ गर्दै राजावादी प्रदर्शनकारीलाई अब केही बेरमा कर्फ्यु लाग्ने सूचना दिएका हुन् ।
अहिले तीनकुनेको अवस्था तनावग्रस्त छ । राजावादी अराजक बन्दै तोडफोड र आगजनीमा उत्रिएका छन् । उनीहरुले करिब १ दर्जन घरमा तोडफोड गरेका छन् भने एउटा घरमा आगो समेत लगाइदिएका छन् । यद्यपि, उक्त आगलागी नियन्त्रणमा आइसकेको छ ।
उनीहरुले आगो नियन्त्रणका लागि गएको दमकल समेत तोडफोड गरेका गरेका थिए । प्रहरीले राजावादीलाई तितिरवितर बनाउन पानीको फोहोरा र अश्रुग्यास प्रहार गरेपछि राजावादीले आक्रोशित हुँदै व्यक्तिगत घरमा आक्रमण गरेका थिए ।
प्रहरीले स्थिति नियन्त्रणमा लिन हवाई फायर समेत गरेको छ । प्रहरीले प्रदर्शनकारीलाई रोक्ने प्रयास गरिरहेको छ ।दोहोरो झडकमा क्रममा केही प्रहरी घाइते भएका छन् ।
