काठमाडौं । चितवन जिल्ला अदालतले राष्ट्रिय स्वतन्त्र पार्टी (रास्वपा)का सभापति रवि लामिछाने न्यायिक हिरासतमा पठाउन आदेश दिएको छ ।
बुधबार न्यायाधीश दयाराम ढकालको इजलासले लामिछानेलाई भोलि १० बजे उपस्थित गराउनेगरी प्रहरीको जिम्मा लगाउन आदेश दिएको छ ।
लामिछाने विरुद्ध मंगलबार चितवनको साहारा सहकारी संस्थाको रकम हिनामिनाको अभियोगमा मुद्दा दर्ता भएको थियो । आज उक्त मुद्दाको बहस नसकिएकाले उनलाई अदालतले प्रहरी हिरासतमा पठाएको हो ।
आज सरकारी वलिकका तर्फबाट ५ जना वकिलले र लामिछानेका तर्फबाट एक जनाले बहस गरेका छन् । अब लामिछानेका तर्फबाट एक र पीडितका तर्फबाट तीनजनाले बहस गर्न बाँकी रहेको बताइएकाे छ ।
