काठमाडौं । राष्ट्रिय स्वतन्त्र पार्टीका सभापति एवम् पूर्वगृहमन्त्री रवि लामिछाने माथिको अनुसन्धान प्रतिवेदन सरकारी वकिल कार्यालयमा बुझाइएको छ ।
जिल्ला प्रहरी कार्यालय कास्कीले सोमबार सरकारी वकिलको कार्यालयमा अनुसन्धान प्रतिवेदन बुझाएको हो ।
अब कार्यालयले उक्त प्रतिवेदन अध्ययन गरेर मुद्दा दायर गर्नेछ । प्रहरीले लामिछानेलाई सहकारी ठगी, संगठित अपराध एवं सम्पत्ति शुद्धीकरणमा दोषी रहेको ठहरसहित प्रतिवेदन बुझाएको हो ।
प्रहरीले पोखराको सूर्यदर्शन सहकारी ठगी प्रकरणमा रविसहित ४० जनाविरूद्ध अदालतमा अदालतमा मुद्दा दायर गर्न सरकारी वकिललाई सुझाव दिएको दिएको छ।
लामिछानेसँगै गोर्खा मिडियाका व्यावसायिक साझेदारहरू जीबी राई, छविलाल बन्जाडे जोशी र कुमार रम्तेललाई संगठित अपराधमा मुख्य योजनाकारका रूपमा किटान गरिएको छ ।
सहकारी ठगी सम्बन्धी मुद्दामा लामिछानेलाई गत कात्तिक २ गते पक्राउ गरी पोखरा ल्याइएको थियो । त्यसयता उनीमाथि सोही प्रकरणमा काठमाडौं, रुपन्देही, चितवन र पर्सामा पनि बयान गराइएको थियो ।
