काठमाडौं । जनकपुर बोल्ट्स नेपाल प्रिमियर लिग (एनपीएल) क्रिकेटको प्लेअफमा पुग्ने पहिलो टोली बनेको छ । बिहीबार त्रिवि क्रिकेट मैदान कीर्तिपुरमा भएको खेलमा काठमाडौं गुर्खाजलाई ५ विकेटले हराउँदै जनकपुर प्ले अफमा पुगेको हो ।
जितसँगै जनकपुर १० अंकसहित तालिकाको शीर्ष स्थानमा उक्लेको छ । जनकपुरले खेलेका ६ खेलमा ५ मा जित हात पारेको छ । जनकपुरले अब आफ्नो अन्तिम खेल अन्तिम खेल चितवन राइनोजसँग खेल्नेछ ।
काठमाडौंले दिएको १०२ रनको लक्ष्य जनकपुरले १५.५ ओभरमा ५ विकेटको क्षतिमा भेटाएको हो । जनकपुरलाई जिताउन जिम्मी निशनले १७ बलमा २९ रन बनाए । त्यस्तै, हर्ष ठाकर २५ बलमा २५ र मोहम्मद मोहसिन ७ बलमा ३ चौका प्रहार गरी १३ रनमा अविजित रहे ।
गुर्खाजबाट करण केसीले ३ ओभरमा १० रन खर्चेर २ तथा इरसमस, दीपेश कँडेल र शाहव आलमले १/१ विकेट लिए ।
यसअघि टस जितेर ब्याटिङ गरेको गुर्खाज १९.३ ओभरमा १०१ रनमा अलआउट भएको थियो । विराटनगरका लागि ललित राजवंशी र शेर मल्लले ३/३ विकेट लिए ।
गुर्खाजको ५ खेलमा यो तेस्रो हार हो । टोलीले २ खेल जितेको छ । आफ्नो अन्तिम २ खेलमा जितेमा गुर्खाजको प्लेअफ पुग्ने सम्भावना कायमै छ ।
