काठमाडौं । पूर्वसभाामुख दमननाथ ढुंगानाको निधन भएको छ । उपचारको क्रममा आइतबार दिउँसो उनको काठमाडौंको पुरानो बानेश्वरस्थित फ्रन्टलाइन अस्पतालमा निधन भएको हो ।
ढुंगाना एक महिनादेखि कलेजो सम्बन्धी रोगको उपचार गराइरहेका थिए ।
उनी २०४८ को आमनिर्वाचन काठमाडौं क्षेत्र नम्बर २ बाट निर्वाचित भएका थिए । त्यसपछि २०५१ सम्म सभामुख बनेका थिए ।
उनी २०७४ को आमनिर्वाचनमा भक्तपुर क्षेत्र नम्बर २ बाट कांग्रेसको उम्मेदवार भई पराजित भएका थिए।
