नयाँदिल्ली । भारतको नयाँ दिल्लीस्थित इन्दिरा गान्धी अन्तर्राष्ट्रिय विमानस्थलको टर्मिनल भवनको छत भत्किँदा ६ जना घाइते भएका छन्।
शुक्रबार बिहान भारी वर्षा भइरहँदा विमानस्थलको टर्मिनल १ तर्फको छत खस्दा ६ जना घाइते भएका हुन्।
टर्मिनलको छत त्यहाँ रहेको ट्याक्सी र कारमाथि खसेको बीबीसीले जनाएको छ । कार र ट्याक्सीमा रहेका केही मानिसहरू घाइते भएका हुन्।
विमानस्थलका प्रवक्ताले भारी वर्षाका कारण बिहान ५ बजे टर्मिनल १ को पुरानो डिपार्चरको बाहिरी भाग खसेको जानकारी दिएका छन् ।
छतलाई अड्याएर राखिएको बिमसमेत भत्किँदा त्यहाँ पिक अप र ड्रप गर्न आएका गाडीहरू समेत दुर्घटना परेका छन् । घाइतेहरूलाई उपचारका लागि अस्पताल लगिएको छ ।
घटनापछि मौसम टर्मिनल १ को सबै उडान रोकिएका छन्। सुरक्षा संवेदनशीलताका कारण चेक इन काउन्टर पनि बन्द गरिएको बताइएको छ । एजेन्सी
