काठमाडौं । क्रिकेटर सन्दीप लामिछानेले बलात्कार मुद्दामा सफाइ पाएका छन् । बुधबार उच्च अदालत पाटनका न्यायाधीशद्धय सुदर्शनदेव भट्ट र अञ्जु उप्रेती ढकालको इजलासले सन्दीपलाई निर्दोष ठहर गरेको हो ।
उच्चले जिल्ला अदालत काठमाडौंले गरेको फैसला उल्टाउँदै उनलाई निर्दोष ठहर गरेको हो ।
गौशाला २६ (परिवर्तित नाम)ले हालेको मुद्दामा सुनुवाइ गर्दै जिल्ला अदालतले काठमाडौंले गत पुस २५ गते सन्दीपलाई दोषी ठहर गर्दै ८ वर्षको जेल सजाय तोकेको थियो ।
साथै, अदालतले लामिछानेलाई ३ लाख रुपैयाँ जरिवाना सुनाएको थियो । उक्त फैसला चित्त नबुझेपछि उनले उच्च अदालतमा पुनरावेदन गरेका थिए ।
अदालतबाट सफाइ पाएसँगै सन्दीपलाई यही महिना सुरु हुने टी-२० विश्वकप क्रिकेट खेल्ने बाटो खुलेको छ । जिल्ला अदालतले दोषी ठर्हयाएपछि नेपाल क्रिकेट संघले उनलाई निलम्बनमा राखेको थियो ।
