काठमाडौं । नेपालमा पछिल्लो २४ घण्टामा थप २०४ जनामा कोरोना संक्रमण देखिएको छ । योसँगै संक्रमितको संख्या १६ हजार १६८ पुगेको छ ।
स्वास्थ्य तथा जनसंख्या मन्त्रालयका अनुसार देशका विभिन्न प्रयोगशालामा गरिएको परीक्षणमा काठमाडौं उपत्यकामा २८ सहित देशका विभिन्न जिल्लामा थप २०४ जनामा कोरोना पुष्टि भएको हो ।
देशका ७७ वटै जिल्लामा कोरोना संक्रमण फैलिए पनि ४ जिल्ला भने कोरोना फ्रि भएको मन्त्रालयका प्रवक्ता डा. जागेश्वर गौतमले जानकारी दिए । उनले तेह्रथुम, भोजपुर, सोलुखुम्बु र हुम्लाका सबै संक्रमित निको भएको बताए ।
पछिल्लो २४ घण्टामा थप ६८८जना डिस्चार्ज भएका छन् । योसँगै हालसम्म निको भई ७ हजार ४९९जना घर फर्केका छन् ।
हालसम्म कोरोनाले मृत्यु हुनेको संख्या ३५जनाको पुगेको छ ।
