काठमाडौं । लकडाउनका कारण काठमाडौंमा अलपत्र परेकाहरुलाई भोलि र पर्सि काठमाडौं बाहिर जान दिने निर्णयबाट सरकार पछि हटेको छ ।
उपप्रधान तथा रक्षामन्त्री ईश्वर पोखरेलको नेतृत्वमा आज बसेको कोरोना रोकथाम तथा समन्वय समितिको बैठकले लकडाउनका कारण काठमाडौं उपत्यकामा अलपत्र परेकालाई उपत्यका बाहिर जान दिने निर्णय गरेको थियो ।
तर, विना तयारी सरकारले यस्तो निर्णय गरेको भन्दै प्रदेश सरकारहरु, यातायात व्यवसायी लगायत सरोकारवालाले विरोध गरेपछि केन्द्र सरकार आफ्नै निर्णयबाट पछि हटेको हो ।
