काठमाडौं । हिमालय ऊर्जा विकास कम्पनीले हकप्रद सेयर प्रयोजनका लागि बुकक्लोज तोकेको छ ।
कम्पनीले हाल कायम चुक्ता पूँजीको १०० प्रतिशत हकप्रदका लागि असार २० गते बुकक्लोज तोकेको छ । सो अनुसार असार १९ गतेसम्म कायम रहने सेयरधनीले मात्रै कम्पनीको हकप्रद सेयरमा आवेदन दिन पाउने छन् ।
कम्पनीले गत साता मात्र नेपाल धितोपत्र बोर्डबाट १:१ अनुपातमा हकप्रद निष्काशनको अनुमति पाएको थियो ।
कम्पनीले प्रतिकित्ता १०० रुपैयाँ दरले ९९ करोड रुपैयाँ बराबरको ९९ लाख कित्ता हकप्रद जारी गर्न लागेकाे हाे ।
हाल ९९ करोड चुक्ता पूँजी रहेको कम्पनीको हकप्रद निष्काशनपछि १ अर्ब ९८ करोड रुपैयाँ पुग्ने छ ।
